MASJID SHARIF KA BAYAN

HAZRAT-E-USMAAN-RAZIALLAHO-TA-ALA-ANHO-Ne kaha ki rasul-e-karim ALAYHISHSALATU-WAS-SALAM ne farmaya jo shakhsh khudaya ta-ala (ki khushi) ke liye masjid banayega to khudaya ta-ala uske liye jannat mai ghar banayega (BUKHARI SHARIF)

HAZRAT-E-ABU-HURAIRA-RAZIALLHO-TA-ALA-ANHO-Ne kaha ki huzur ALAYHISHSALATU-WAS-SALAM ne farmaya ki khudaya ta-ala ke nazdik sari abadiyon mai sab se pyari jagaha uski masjid hai aur sab se buri jagaha bazaar hai (MUSLIM)

HAZRAT-E-USMAAN-IBN-E-MAZAUN-RAZIALLAHO-TA-ALA-ANHO-ne kaha ki maine huzur sallallaho-ta-ala-alayehi-wa-sallam se kaha ki ya rasul allah! Mujhe duniya chhodne ki izazat dijiye- huzur ne farmaya meri ummat ke liye duniya ka chhodna yahi hai waha masjido mai bayeth kar namza ka intizar kare. (MISHKAT)

HAZRAT-E-MUAVIYA-IBN-E-KURRA-RAZIALLAHO-TA-ALA-ANHUMA- apne baap se riwayat karte hai ki rasul-e-karim ALAYHISHSALATU-WAS-SALAM in do shabjiyon ke khane se mana farmaya yani PIYAAZ-AUR-LASSUN se aur farmaya ki inhe kha kar koi shakhsh hamari masjido ke karib hargiz na aye. Aur farmaya agar khana hi chahate to paka kar unki mahek duur karliya karo. (ABU-DAUD)

HAZRAT-E-SEKH-ABDULLA-HAKKA-MUHADDIS-DEHLVI-RAHEMATULLAHI-TA-ALA-ALAYHI-farmate hai ki har waha chiz ki jiski mahek na pasand ho is hukum mai dakhil hai chahe waha khane wali chiz mai se ho ya na ho (ASHIATULLAMAAT-JILD-1 SAFA-328)

HAZRAT-E-HASAN-BISRI-RAZIALLAHO-TA-ALA-ANHO-Se batarike mursal riwayat hai ki huzur- ALAYHISHSALATU-WAS-SALAM ne farmaya ki ek jamana ayesa ayega ki log masjido ke andar duniya ki baate karege to us waqt tum un logo ke pass mat baythna-khudaya ta-ala ko un logo ki kuch parwaha nahi. (BAYEHEKI)


HAZRAT-SEKH-MUHKKIK-RAHEMATULLAHI-TA-ALA-ALAYEHI likhte hai ki is hadith ka matlab yaha hai ki khudaya ta-ala unlogo se nakhush hai (ASHIATULLAMAAT JILD-1 SAFA-339)

KUCH JARORI MASLE SAMAT FARMAYE

[1] Masjid mai kachcha lassun aur piyaz khana ya khakar jana jayaz nahi jab tak mahek baki to aur yahi hukum us chiz ka hai jiski mahek na pashan ho jayese bidi, sigred, pi kar ya muli kha kar jana-aur jiske muuh mai badbu ki bimari ho ya koi badbudaar dawa lagayi ho to jab tak mahek duur na ho unsab ko masjid mai anamana hai-issi tarah masjid mai ayesi machim aur diya salayi jalana ki jiske ragadne mai mahek udti ho mana hai- (DURR-E-MUKHTAR ‘RADDULMUHTAAR’ BAHAR-E-SHARIAT)

[2] Masjid mai matti tel jalana haram hai magar jab ki unki mahek bilkul duur kardi jaye. (FATAWA RAZVIYA JILD-3 SAFA-598)

[3] Masjid ke karib koi makan masjid se ucha ho to koi harz nahi isliye ki masjid un zahiri diwaro ka naam nahi balki us jagaha ke mukabil sato aasmaan tak sab masjid hai- issi tarah DURR-E-MUKHRAT mai hai.

[4] Masjid mai jate waqt pahele dahina pao andar rakhkhe aur yaha dua padhe- “ALLAHOMMAFTH-LI-AWWA-WA-RAHMATIKA” yani aye allah! Tu apni rahemat ke darwaze mere liye kholde.


[5] Masjid se nikalte waqt pahele baya pao bahar rakhkhe aur yaha dua padhe- “ALLAHOMMA-INNI-AS-ALUK-MIN-FAZLIK” yani aye allah! Mai tujhse tera fazal magta ho.

EID WA BAKRA EID KA BAYAN

HAZRAT-E-ANAS-RAZIYALLAH-TA-ALA-ANHO -ne farmaya ki nabiye karim ALAYHISHSALATU-WAS-SALIM jab hizrat farma kar madina sharif jagye to huzur ko malom hua ki yaha ke log saal mai 2-din khel kud karte hai khushi manate hai, us par huzur ne logo se pucha ki yaha 2-din kaise hai-logo ne kaha in dono ham logo musalman hone se pahele khushiyan manate hai khel-kud karte hai. Huzur ALAYHISHSALATU-WAS-SALAM ne farmaya ki allah tala ne tumhare liye un 2-din ko unse achchhe dino mai badal diya hai un maise ke eid aur dusre bakraeid hai. (ABU_DAUD

HAZRAT-E-ABUL-HUWYARAS-RAZIYALLAH-TA-ALA-ANHO- se riwayat hai ki rasul-e-karim ALAYHISHSALATU-WAS-SALAM ne amr inbn-e-hazm ko jab ki wah nazran mai thhe likha ki bakraeid ki namaz jald padho aur eid ki namaz der se padho-aur logo ko waaz sunao. (MISHKAT)

HAZRAT-E-JABIR-IBN-E-SUMERA-RAZIALLAH-TA-ALA-ANHO- ne farmaya ki maine rasul-e-karim ALAYHISHSALATU-WAS-SALIM ke sath eid wa bakraeid ki namaz bagayer azan wa iqamat ke padhi hai ek baar nahi balki kai baar. (MUSLIM SHARIF)

HAZRAT-E-JABIR-RAZIALLAH-TA-ALA-ANHO-ne farmaya ki huzur-sallallah ta-ala alyshi-washsalam- eid ke din ek raste se jate thhe aur dusre raste se wapas ate thhe. (BUKHARI SHARIF)

HAZRAT-E-BURAIDA-RAZIALLAH-TA-ALA-ANHO- ne farmaya ki EID-UL-FITAR ke din jab huzur ALAYHISHSALATU-WAS-SALAM kuch kha na lete eidgaah ko na jate aur BAKRAEID ke din us waqt tak kuch na khate jab tak ki namaz na padh lete. (TIRMIJI IBN-E-MAZ)

KUCH JARORI MASLE

[1] Eid wa bakraeid ki namaz ke baad mushafa karna aur gale milna jayesa ki aamtawr par musalmano mai riwaz hai behetar hai is liye ki is mai khushi jahir karna hai. (BAHAR-E-SHARIYAT)

[2] Awrato ke liye eid wa barakeid ki namaz zayaz nahi isliye ki eidgaah mai mardo ke sath mail-jol hoga aur isiliye ab awrato ko kisi namaz mai jama-at ki hajiri jayaz nahi din ki namaz ho ya raat ki, jume ki ho ya eid barakeid ki chahe wo jawan ho ya budhi ayesa hi TANBIVI-RUL-ABSAAR WA DURR-E- MUKHTAR mai hai-aur agar shirf awrate jama-at kare to yah bhi na zayaz hai isliye ki shirf awrato jama-at na zayaz wa makruh tahrima hai ayesa hi FATWA ALAMGEER JILD-1SAFA80 aur DURR-E-MUKHTAR mai hai- aur agar akele-akele padhe to bhi namaz zayaz na hogi- isliye ki eid wa bakraeid ki namaz ki liye jama-at jarori hai- haan awrate us din apne-apne gharo mai akele-akele nafil namaz padhe to bahut sawab hai.

Moharram-ul-Haram

Yaha mahina Allah ka mahina hai aur Allah ke mahino mai neki ka sawab bahut zayda hai magar gunah ka azab bhi itna hi zayda hai. Magar afsos ki is Mubarak mahine mai ham musalman, bidda-at, rsumat gunah wa kharafat ka shikar rahete hai. Shaher  aur gao mai awrato ka saj banker gharo se nikalna aur gayer mahramo ko apane husn ka jalwa dikhana aur khud gayer mardo ko dekhna hi mamuli gunah nahi is par gazab yaha ki damne asmat ki dhazziya hona, gayer muslimo se islam ki hassi udwana.

Musalmano ko chahiye ki rafziyon ke anusarra se bachhey khud bhi aur apni auwrato aur bachchho ko bhi bachaye. Alam ,takht, taziyon se ahele sunnat ko koi lagaw nahi na deen mai iski koi asliyat hai fir baza adi to yaziti kaam hai aur kabira gunah. Haan nazro niyaz ki ye Allah ke yaha maqbul hai jayeda se jayeda sawab  pahuchaye. Apne ghar ke murdu khash kar karbala ke shahido wa aur buzurgane deen ko ki iska sawab bahut hai aur jo sawab pachchaye usko 10 guna azar milta hai. (Iqbal ahemd nori)

Hazrat sallallaho-alaye-wa-sallam farmate hai – mujhe Allah par gumaan hai ki ashura ka roza ek pahele ke gunah  mita deta hai. (sahi muslim) ashura muhorram-ul-haram ki 10 vi tarikh ko kahete hain, awliya ikram farmate hai jo adimi ashura yahi 10 moharram ko 2 rakat namaz is tarah padhey ki paheli rakat mai sure:fateha ke baad sure an-aam aur dusri rakat mai sureh:fateha sureh:yaseen, usse 1000 baras ki ibadad ka sawab milta hai.

My Name is Saeed and this is how I accepted Islam

My Name is Saeed and this is how I accepted Islam.

Mere Naam Saeed Hai, Mai 34 Saal Ka Hu Aur Mai Sweden Mai Rehta Hu. Last Month Of June Maine Apni Shahada Liya Aur Iske Sath Mai Apne Khubsurat Religion Islam Mai Agaya. Yeh Rahi Meri Kahani – Kaise Maine Islam Qaboola (How I Accepted Islam).

Islam Ke Bare Mai Janne Se Pehle, Mai Bilkul Bhi Is Religion Ke Bare Mei Janna Nahi Chahta Tha, Mere Liye Yeh Aisa Tha Jaise “Dusro Ke Liye, Naa Ki Mere Liye”. Mai Ek Catholic Tha Par Mujhe Isse Koi Fark Nahi Padta, And Lakbhag Mujhe Christian Dharm Kabhi Samjh Hi Nahi Aaya, Subhanallah!! Kabhi Mujhe Koi Logic Nahi Samjh Aaya. Isliye Mai Hamesha Ki Tarha Ek Normal Life Jee Raha Tha, Ek Western Life Bina Religion Ke Bare Mai Soche. Islam Qabool Karne Se Pehle Mai Lagbhag Ek Nastic Hi Tha.

Kaise Mujh Jaise Islam Na Manne Wala Admi Ek Islamic Bangaya? Waise Yeh Sab 2011 Ki Sardiyo Mai Suru Hua, Jab Maine Muslim’s Se Milna Shuru Kiya Facebook And Real Life Mai, Mere Philistine Activity Ke Zariye. Dusre Non-Muslims Ke Tarha Mai Bhi Islam Ke Bare Mei Kuch Nahi Janta Tha Aur Isi Tarha Maine Apne Naye Muslim Dosto Se Sawal-Jawab Karna Suru Kiya. Ek Baat Jo Mujhe Chawka Gayi Wo Thi, Ki Wo Sab Ek Hi Jawab Dete The, Halaki Sab Ek Dusre Se Kafi Alag The Par, Unki Knowledge Aur Unke Answer Ek Hi Hote The. Halaki Wo Itna Zyda Muslim Tarike Par Chalne Wale Bande Nahi The Fir Bhi Unki Knowledge Islam Pe Ek Hi Jaisi Thi Aur Wo Hamesha Mujhe Batate Ki Mujhe Kaha Se Islam Ke Bare Mai Aur Malumat Quran Se Kaise Hasil Karna Chahiye. Yeh Bat Mujhe Bahot Achi Lagi Unke Bare Mei, Unki Har Ek Bat Mai Logic Hota Tha Jo Mujhe Catholic Hone Par Nahi Dikhayi Pada.

Muslamano Se Bat Karne Ke Bahot Pehle Se Hi Mai Quran Ki Tilawat Suna Karta Tha, Mujh Mai Hamesha Se Ek Wo Bat Thi Jo Mujhe Wo Tilawat Bahot Hi Khubsurat Sunayi Padti Thi, Jabki Mujhe Arabic Mai Kuch Samjh Nahi Ata Tha. Maine Bahot Bar Quran Ki Tilwat Karte Huwe Tilwat Karne Wale Ko Rote Huwe Suna Aur Yeh Bat Mujhe Chhu Gayi. Ek Raat Maine Khawab Mai Quran Ki Tilawat Suni Aur Pata Nahi Kaise Maine Wo Arabic Mai Kaha Gaya Har Ek Word Samjh Liya, Jabki Wo Arabic Mai Hi Tha. Aur Mai Ek Masjid Dekh Pa Raha Tha Us Khuwab Mai.

Us Wakaye Ke Baad Maine Islam Ke Bare Mai Janne Ke Liye Bahot Research (khujbeen) Ki, Aur Sabse Pehla Kaam Maine Suar Ka Gosht Khana Chora, Kyunki Achanak Hi Maine Wo Gosht Khana Bahot Hi Ganda Paya. March 2012 Mai Maine Quran Swedish Zabaan Mai Suru Se Padhna Suru Kiya, Aur Iske Sath Hi Meri Zindagi Badal Gayi. Mai Puri Tarha Se Kho Gaya Ismai, Ismai Mujhe Wo Sare Jawab Mile Jo Ki Mujhe Chahiye Thhey Islam Qabool Karne Ke Liye, Padhte Huwe Mere Dimag Mai Sawal Aate, Allah (SWT) Kya Kehta Hai, Subhanallah, Jab Mai Dusra Page Palatta Toh Mujhe Wo Sawal Ka Pura Jawab Is Qadar Milta Jaise Ki Allah (SWT) Ne Mere Dimag Mai Wo Sawal Dala Ho Aur Fir Uska Jawab Khud Diya Ho, Issi Se Mujhe Laga Ki Allah Mujhe Hidayat De Raha Hai Sahi Raste Par Chalne Ki. Aur Jab Maine Padha Ki Allah Sirf Unhe Hidayat Deta Hai Jinhe Wo Chahta Hai Toh Maine Khud Ko Bahot Hi Humble Paya, Aur Bahot Bar Maine Khud Ko Rote Paya. Fir Allah (SWT) Aur Uske Pyare Rasool Mohammad (PBUH) Ke Liye Puri Izzat Ke Sath Maine Namaz Padhna Sikha. Aur Jab Mai Quran Padhta Aur Namaz Ada Karta, Mere Dil Mei Ek Bahot Achi Si Feeling Aati, Jisse Samjha Pana Bahot Hi Mushkil Hai. Mai Bus Itna Keh Sakta Hu Ki Sab Kuch Achanak Se Bahot Hi Acha Ho Gaya, Aur Mera Nazariya Kuch Bato Ki Taraf Badal Gaya.

 Mere Ek Dost Ne Mujhe Kaha Ki Mujhe Paas Hi Ek Masjid Mai Jana Chahiye Aur Waha Ke Musalmano Aur Imam Se Bat Karni Chahiye, Aur Janna Chahiye Ki Wo Kya Kehte Hai. Isliye Maine Baroz Juma Paas Hi Ki Ek Masjid Jane Ka Faisla Kiya Aur Waha Ke Imam Se Bat Ki Namaz Ke Baad, Aur Wo Bahot Hi Khus Huwe Mere Bare Mai Jankar, Aur Dusre Musalmano Ne Bhi Meri Batein Suni, Aur Wo Bahot Khus Huwe Mujhse Milkar, Waha Sab log Bahot Achi Tarhe Mile Mujhse Mashaallah Aur Maine Khud Ko Unmai Se Ek Hi Paya. Jab Mai Waha Tha Tab Hi Maine Socha Ki Mujhe Sahada Leni Hai Aur Musalman Banna Hai. Mai Ander Se Pehle Se Hi Islam Qabool Chukka Thha, Mai Roz Namaze Ada Kar Raha Tha, Aur Maine Sari Buri Adatein Jaise Ki Sharab, Smoking Chor Di Thhi. Jaise Ki Maine Kaha, Saturday, June 02, Maine Kaha “Ash-Hadu AnLa Ilaha Illa Allah, Wa Ash-Hadu Anna Mohammadan ‘Abduhu Wa Rasuluhu” Aur Us Waqt Aisa Laga Jaise Maine Puri Duniya Hi Paali.

Aur Jabse Maine Islam Qaboola Hai Meri Zindagi Bahot Hi Khusnuma Ho Gayi Hai, Sab Kuch Acha Hai, Mai Allah (SWT) Ka Sukar Ada Karta Hu Ki Usne Mujhe Sare Rizq Diye. Aur Is February  Main ek Bahot Hi Khubsurat Muslima Ladki Se Shadi Ki, Jo Ki Morocco Se Hai. Aur Ab Hum Apni Aghhey Ki Zindagi Ek Ache Musalman Banke Guzarna Chahte Hain.

Casual Discussion with Adv. Faiz Syed on Muslim Marriage System

Pyare Nabi Ki Pyari Baatein

[1] Asli momin wah hai jiske akhlak sabse achchhe hai. Aur tum mai sabse achcha admi wah hai jo apni awrato ki liye achchhe hai.

[2] Agar kisi admi ko sajda karna jayaz hota to mai awrat ko hokum deta ki wah apne shwhar ko sajda kare, kyonki allah pak ne usse fajilat de rakhkhi hai. (likin allah ke alawa kisi aur ko sajda karna haram hai).

[3] Aaj raat bahut si awrate mere pass aai, wah apne shwharo ki shikayat kar rahi thhi, sono jo admi apne awrat ko taklif deta hai, wah achchha admi nahi.

[4] (aap ek baag mai thhe ki ek unth ne aapko aakar sajda kiya)sahaba ne kaha-yah to na samajh janwar hai,isne apne rasul ko sajda kiya,ham to samajhdar hai, fir to hamai jayda munashib hai. Yah baat soni to pyare nabi ne famaya-admi ke liye jayaz nahi ki wha kisi admi ko sajda kare.agar ayesa jayaz hota to main awrat ko hokum deta ki wha apne shwhar ko sajada kare.

[5] Jo apne ghar walo ke liye achchha ho wahi achchha admi hai. Mainapne ghar walo ke liye tum mai sabse behetar ho.

[6] Awrat tumhari tedi pasli se payda hui hai, wah tumhare liye kabhi shidhi nahi ho sakti.isliye usse nafa hashil karna chaho to kar lo aur shidha karne koshish na karo warna wah tot jayegi, uska totna talak hai.(muslim sharif) “Peshkash-maulana gufran raza barkati-sagwada”

[1] Julam se bachu kyonki julm ki nahusat se qayamat mai adhere mai rahena padega uar lalach wa kanjushi se bacho kyonki in dono ne tumse pahele walo ko tabaha kar diya.

[2] Qayamat ke din martabe ke etabar se sabse bura admi wah hoga jo dusru ki duniya abaad karne ke chakkar main apni akhrat tabah kar dale(jayse ki duniyakar maa-baap apni awlad ke shandar mustakbil ke liye apne farz bhi ada nahi aur bachchho ki har jarorat puri karne ke liye fikrmand rahete hai).

[3] Jiske dil main akhrat ki bhalai ki khwhish hoti hai allah pak usse sukun ada fermata hai aurr logo sse beniyaj kar deta hai. Aur jiske dil mai dunaya ki talab hoti hai, allah pak usse dawlad ki kami ke ayhsas mai mubtala farma deta hai. (wah sochta hai ki mere pass to bahut kam hai) 

Pakiza Nek Banate Hain Roze

Roza insaan ko nek wa pakiza banata hai. Roze ki barakat se insaan ki bahut si akhlaki burayiya bhi dur ho jati hai. Ramzan apne sath nekiyon ki bahar le kar ata hai. Pura mauhol islamic kirdar wa khushbu se mahek ne lagta hai. Roze ki halat mai insaan aur rab ka itna farmabardar ho jata hai ki kuch karne se pahele sochta hai ki yaha kaam roze ki halat mai karna chahiye ki nahi. Uska yahi haal wa khayal usse ramzan ke baad bhi bahut si burayion se bacha deta hai. Roze ki pabandiyon ka asar rozdar ki zindagi par zarur padta hai. Roze ki barakat se momin ki ruh mai nikhar aa jata hai. Usse nekiyon ki tawfik milati hai. Gunah se dur rahane ka ayehesas usse hamesha yaad dilata raheta hai ki agar roze rakh kar bhi gunah ke kamo mai fase rahe to din bhar bhuke-piyase rahene se koi fayeda nahi milega. Aur roze ka maksad aur falsafa bhi yahi hai.

Har saal puri duniya ke musalman ramzan ke pure mahine ka roza rakhte hai, raat mai khash namza TARABIH mai Quran sunte hai, khwm ke garibo ki madad karte hai. Har adimi apni-apni haisiyat ke mutabik sadka-khayrat karke samaz mai islami bhaichargi ke zashbe ko bedaar karta hai. In saari tabdiliyon ki wazah se ramzan ko BAHARO KA MAUSAM bhi kaha jata hai jis mai momin ki islami zindagi mai nekiyon ki bahar aa jati hai.

Ramzan ka roza farz hai. Bina sarayi mazburi ke chhodne ki izazat nahi. Agar kabhi kisi mazburi se koi roza chhot jaye to uski Qaza zaruri hai. Qaza rakh lene se farz ada ho jayega lekin ramzan ki barkatein hasil nahi hogi. Agar koi adimi jaan bujh kar bina kisi mazburi ek roza chhod de aur uske Kaffare mai ek saal (One years)tak roza rakhkhey to bhi wah sawab nahi pa sakega jo ramzan mai ek roze rakhne par milta hai.

Roze ki halat mai, ramzan ke mahine mai din-raat mai ki jane wali ibadato ka sawab bhi badha diya jata hai. Har neki ka sawab 10 se 70 guna jayeda ataa kiya jata hai. Aur agar banda rab ki raza ke liye koi nek amal kare to usse 700 guna, bhi ataa farmata hai. Uske karam ki thah nahi. Isliye har tarah ke achchhey-bure log is mubarak mahine mai neki ke kaamo mai dilchashpi lene lagte hai aur gunaho ki mahefeelo mai shariq hone se bachte hai. Yaha ramzan ki hi barkatein hai jiska asar bachchey, budhey, jawan aur mard-awrat sab par padta hai. Allah paak apne habib ke sadke mai hame ramzan ki Qadar karte huwe uska haq adaa karne ki tawfiq de..Ameeen!